રજવાડી મસાલેદાર ખીચડી - ગુજરાતી વાનગી

રજવાડી મસાલેદાર ખીચડી

સામગ્રી

-બે કપ ચોખા
-એક કપ તુવેરની દાળ
-એક નંગ ગાજર
-દોઢસો ગ્રામ વટાણા
-ચાર નંગ તજ
-ચાર નંગ લવિંગ
-બે નંગ આખા લાલ મરચાં
-એક ટીસ્પૂન લાલ મરચું પાવડર
-એક ટીસ્પૂન ગરમ મસાલો
-અડધી ટીસ્પૂન હળદર
-પા ટીસ્પૂન જીરૂં
-પા ટીસ્પૂન રાઈ
-દોઢ ટીસ્પૂન આદુ-લસણની પેસ્ટ
-બે ટીસ્પૂન તેલ
-પાણી જરૂર મુજબ

રીત

સૌપ્રથમ દાળ અને ચોખાને ધોઈને એક કલાક માટે પલાળી રાખો. હવે એક કૂકરમાં તેલ ગરમ કરવા મૂકો. તેલ ગરમ થાય એટલે તેમાં રાઈ-જીરાનો વઘાર કરો. ત્યાર બાદ તેમાં બધી જ સામગ્રી એક પછી એક નાખીને બરાબર મિક્ષ કરી લો. હવે તેમાં બધા જ શાક નાખીને બરાબર હલાવીને થોડી વાર ચઢવા દો. ત્રણેક મિનિટ બાદ તેમાં દાળ-ચોખા ઉમેરીને દસેક મિનિટ માટે ચડવા દો. આમાં જરૂર મુજબ પાણી ઉમેરી કૂકર બંધ કરો. ધીમી આંચે ત્રણેક સીટી વગાડો. કૂકર ઠંડું પડે એટલે ગરમા-ગરમ ખીચડીને કઢી સાથે સર્વ કરો.