ચટાકેદાર 'મિરચી વડાં' બનાવો આ રીતે

મરચાં, બટાકા અને ડુંગળીના કોમ્બીનેશનમાં બનતાં 'મિરચી વડાં' ખાવામાં લાગે છે એકદમ ટેસ્ટી અને બનાવવામાં એકદમ સરળ હોય છે.  જાણો તેની રીત.

સામગ્રી
લીલાં લાંબા મરચાં- ૨૫૦ ગ્રામ
બટાકા - ૨૫૦ ગ્રામ
ડુંગળી- ૧૦૦ ગ્રામ
ચણાનો લોટ - ૧૫૦ ગ્રામ
ખાવાનો સોડા એક ચપટી
તળવા માટે તેલ જરૂરી મુજબ
રાઈ, મીઠું, હળદર, મરચું, હિંગ, ધાણાજીરું જરૂર મુજબ

રીત

• પહેલા બટાકાને બાફી લો.
• ડુંગળીને ઝીણી સમારી લો.
• લસણ, લીલાં મરચાં, વાટી નાખો.
• બાફેલાં બટાકાની છાલ ઉતારી હાથ વડે મસળી નાખો.
• એમાં ડુંગળી નાખો.
• એનો રાઈથી વઘાર કરી મીઠું, હળદર, મરચું અને હિંગ નાખો.
• ધાણાજીરું પાવડર નાંખી ચમચા વડે હલાવો.
• એકરસ થાય ત્યારે નીચે ઉતારી લો.
• લીલાં મરચાંને ધોઈને ઊભા ચીરી નાખો.
• હવે મરચાંની ફાટમાં તૈયાર થયેલું ઉપર મુજબનું મિશ્રણ ભરો.
• પછી ખાવાનો સોડા ચણાના લોટમાં નાખી ખીરું તૈયાર કરો.
• એમાં ભરેલા મિરચી વડાં બોળીને ગરમ કરેલાં તેલમાં તળી લો.
• તેલ નિતારી બહાર કાઢી લો.
• આ મિરચી વડાં કોઈપણ ચટણી સાથે પીરસો.